Schulhaus im Grund

18. Februar 2021

Lied von Dai Kimoto (Musik) und Christoph Sutter zur Eröffnung des Schulhauses “Im Grund”, Romanshorn

1. Strophe

Mer sind do ä bunti Schar

Chindergartä – Unterstufä.

Zämäsii isch wunderbar.

Jo, mer sind än tollä Hufä!

Do bi üs isch kein ällei –

denn mer sind im Grund dähei!

 

Ref:   Wenn de Specht, de Romy, chlopft,  (Rhythmus wie Specht auf Brust klopfen?…)

ischäs Ziit zum Inächo.

Lernä, bis dä Schweiss üs tropft           (mit Fingen Backen ploppen?…)

und dänn wieder heimä goh.

Üsers Schuälhuus isch dä Hit,

mer sind do so mängi Stund.

Spielet, lernet, mached mit.

Mer sind froh, mer sind im Grund!

 

2. Strophe

Ein isch gross, di ander chli,

ein mag Sunnä, eini Sternä,

jedä dörf chli andersch si,

so chönd mer vo andrä lernä!

Do bi üs isch kein ällei –

denn mer sind im Grund dähei!

 

Refrain

 

3. Strophe

Jedä Tag gits bi üs Neus:

Läsä, schriibä, rächnä, singä.

Mer sind zwägi Girls und Boys,

au wenn nöd alles tuät glingä.

Do bi üs isch kein ällei –

denn mer sind im Grund dähei!

 

Refrain